2012年4月24日星期二

4月24日- 過山車

今日A股完全係過山車走勢, 搞到港股跟住一齊CHOK 爆
941昨天跳水跌3%, 現時又上番85.2 , 一樣好CHOK
1137 頂佢唔順, 日日跌代表市場唔看好電視業務發展, 先止蝕.


今天交易

15對941 5月勒束短倉 80 - 87.5 , 每對收$1.38
沽出全部1137 止蝕.

-----------------------------------------------------------------------------

現時衍生倉位
941 30 對 5月勒束短倉80-90 , 每對收$1.42
941 15對 5月勒束短倉 80 - 87.5 , 每對收$1.38

今天衍生指數收報232.99 , +5.18%(對比成立時間)

(成立時間2012-4-7)
衍生指數成立時報 221.5
衍生指數代表衍生倉資產值.

各位注意: 如不熟期權短倉,千萬不要隨便亂開, 因為風險可以好高!!!

2012年4月20日星期五

4月20日 - 轉倉

呢個星期趕公司project真係做到仆街, 搞到無咩時間睇市

呢幾日941 仲戰神上身, 市跌佢升,市升佢又升. 日日係咁向我o既941  SC87.5城門進攻
搞到我疲於奔命,把城門移後.

先交代操作

星期四把 20張 5月941 77.5 SP 轉到80 SP
今早 把20對 4月941 82.5- 87.5 平倉
另外 把20張 941 5月87.5SC 轉到 90 SC

 現時941可以形成雙頂走勢回落, 或突破向今年新高出發.
以今年的走勢再向上突破機會較大.
下星期一 如941再強攻升上88以上, 又要再準備把城門移後.


-----------------------------------------------------------------------------

現時衍生倉位
941 30 對 5月勒束短倉80-90 , 每對收$1.42

今天衍生指數收報233.64 , +5.48%(對比成立時間)

(成立時間2012-4-7)
衍生指數成立時報 221.5
衍生指數代表衍生倉資產值.

各位注意: 如不熟期權短倉,千萬不要隨便亂開, 因為風險可以好高!!!

2012年4月17日星期二

4月17日- 守

今天 臨收市15:59 入了 HSI牛 90000股 @0.066, 有一萬股成唔到...

4點一到, 鳴金收兵,941收報85.45  今天順利守城成功.

衍生指數 收報 227.62

現時道指+152, 看來明天HSI 高開機會很大...
且看941 明天進攻力度如何.


 -----------------------------------------------------------------------------

現時衍生倉位
HSI牛 90000股 @0.066 941 20 對 4月勒束短倉82.5-87.5
941 10 對 5月勒束短倉80-90
941 20 對 5月勒束短倉77.5-87.5

衍生指數 221.5(開倉時間2012-4-7)

各位注意: 如不熟期權短倉,千萬不要隨便亂開, 因為風險可以好高!!!

2012年4月16日星期一

4月16日

上星期五平了 941 牛, 另開了 20 對 941 4月勒束短倉82.5-87.5

今天星期一再開了 10 對941 5月勒束短倉80-90

期權倉已佈陣完畢, 再來就是守!!!

基本上此陣有如古代攻城戰, 我現在是守城.
對於941 敵方走勢,估計這星期不能輕易攻克87以上
眾將士, 守啊!!!

 今天衍生指數收223.47

開倉時間2012-4-7 衍生指數 221.5

 -----------------------------------------------------------------------------

現時衍生倉位
941 20 對 4月勒束短倉82.5-87.5
941 10 對 5月勒束短倉80-90
941 20 對 5月勒束短倉77.5-87.5
各位注意: 如不熟期權短倉,千萬不要隨便亂開, 因為風險可以好高!!!

2012年4月12日星期四

4月12日

今天平了 941 4月 勒束短倉.

現時衍生倉位

941 20對 5月勒束短倉77.5-87.5
941 牛 13萬份

今天衍生指數收225.4, 升1.85%
昨天一入1137 即燈 爆機..... >_<

4月11日

今日 操作:
 加注4000股 1137 @5.4
 賣出5000股 939 @ 5.93
 建立941 20對 5月勒束短倉 77.5-87.5

現時衍生倉位

941 25對 4月勒束短倉80-87.5; 20對 5月勒束短倉77.5-87.5
941 牛 13萬份

今天衍生指數收221.3, 跌0.62%
--------------------------------------------------------------------------------------------------

城電呢次睇黎真係玩鋪勁, 可以話係背水一戰, 賣曬核心業務,主攻免費電視
是否可以重演打到巨人的故事, 我拭目以待!

2012年4月10日星期二

神冠 = 神棍?!

今天止損了330 PUT. 呢排跌市仲要倒升, 跌市對沖對唔到, 仲要輸, 真係唔知做咩咁強勢.
另外開了 35 對 941 4月的SC + SL. 以餘下時間值來說, 勝出機會很大.
今天衍生指數 222.69 , 升0.54%.

---------------------------------------------------------------------------------------------------

不知大家有沒有留意829神冠. 它是在國內從事製造及銷售食用膠原蛋白腸衣產品的龍頭企業.
按最新2011年中期業績毛利率達 63%, 邊際利潤率有50% ,  ROE 15%, PE ~16,
差不多沒負責,凈現金公司.
派息率現時大約2.6% .業績從2009年上市後年年增長, 有中人壽入股.... 核數是BIG 4(安永)

相信以上資料應該吸引到不少價值投資者的眼球. 不過番查資料, 得出以下疑問

1. 超高毛利率, 邊際利潤率

市佔率達國內9成,即是根本沒像樣的競爭對手. 我對膠原蛋白腸衣 呢類產品不是很熟悉, 不知行業是否需要很高的技術門檻. 否則以這毛利率, 為何吸引不了同業加入競爭?  利潤率好過賣樓呢!!!
我翻查了外國的同業DERVO, 在英國上市, 市值512.54 M 英鎊, 市值較神冠少.
最新2011年業績,毛利率才37%, 凈利率才~19% ....
雖然話 神冠人工可能平D, 產能可能好D 但也差太遠吧.....

2. 起用前OT股人作為CFO

有關CFO 的詳細背景, 不多講. GOOGLE或湯財一下就知.
CFO 咁重要O既位, 硬係要選一個OT 人, 理由我諗係為將來玩財技時, 有熟手易D搞.

3. "正常"的關連交易?

a)2011年6月1日, 公告以人民幣372,011,508元收購梧州先盛.
  梧州先盛之主要業務為提供膠原蛋白及其他生物科技之諮詢服務.
  http://www.hkexnews.hk/listedco/listconews/sehk/2011/0601/LTN201106011339_C.pdf

  簡單d講, 即係吹水only, 沒有實質貨品,而且是膠原蛋白咁"專"o既諮詢服務,睇黎客戶除左神冠, 大約無其他水魚了

  再睇下呢間野o既股東和近年盈利

  梧州先盛由何祥吉先生、周女士、茹先生、蔡女士、施先生、莫運喜先生、黎
  保偉先生及李瑩女士分別擁有36.80%、35.60%、4.60%、4.60%、4.60%、4.60%、
  4.60%及4.60%。周女士為本公司之主席、執行董事兼控股股東。茹先生、蔡女
  士及施先生為執行董事


  2009年稅後盈利 = 75,840,422 RMB
  2010年稅後盈利 = 8,488,623 RMB
  嘩, 1年間盈利 跌左9成. 如用3.7億買價計, PE有44......
  成個收購交易, 好難相信係對公司有正面影響. 似係一班大股東自己人分錢多D
  真係好過公司派息.
  咁樣搞一搞, 2011年全年業績顯示, 現金從2010年7.8億RMB 跌到2011年4.8億

b)2011年12月2日,宣佈另一宗持續關連交易

本集團(透過梧州神冠)與LJK訂立
LJK買賣協議、與Ample公司訂立Ample買賣協議、與梧州駿業印刷訂立新駿
業買賣協議以及與梧州中柏包裝訂立中柏買賣協議,年期由二零一二年一
月一日至二零一四年十二月三十一日止,為期三年。


http://www.hkexnews.hk/listedco/listconews/sehk/2011/1202/LTN201112021069_C.pdf

即係長期向呢3個供應商買貨. 又睇下d股東係咩人.

LJK為於馬來西亞註冊成立之有限公司,由劉先生擁有80%(非執行董),故根據上市規則
第14A 章,LJK為本公司之關連人士。LJK主要從事貿易業務。


Ample公司為於美國註冊成立之有限公司,由梧州神冠之董事韋誠先生擁有50%
及由韋誠先生的妻子擁有50%
。故根據上市規則第14A 章,Ample公司為本公司
之關連人士。Ample公司主要從事貿易業務。


梧州駿業印刷分別由周女士之配偶沙先生及沙先生與周女士之兒子沙俊奇先
生擁有90%及10%權益
。周女士為本公司主席、執行董事兼其中一位控股股東,
因此,根據上市規則第14A章,梧州駿業印刷為本公司之關連人士。梧州駿業
印刷主要從事包裝、印刷、生產及銷售紙製產品業務。


梧州中柏包裝分別由沙先生及沙俊奇先生擁有60%及40%權益,故根據上市規
則第14A章,梧州中柏包裝為本公司之關連人士。梧州中柏包裝主要從事包裝、
印刷以及生產與銷售紙製品之業務。


睇黎又係搵笨交易居多, 呢3年又可以從中抽油水. 估計3年到期後, 一定係話服務好再續3年又3年.
咁搞法, 唔知公司有幾多現金可以比佢地咁樣掏空.........
不過到時沒現金, 先炒高再配股集資都得 :)

如閣下有神冠, 祝閣下好運, 贏多d~~

2012年4月7日星期六

重新出發

已很久沒更新blog,今天決定重新出發,以blog 記錄自己投資成績,過程。

恆指經歷2012年第一季後,走勢開始不妙… 很多二三線股遭受洗倉洗禮。 但有危才有機,我認為有些民企股已開始值得投資。

對於股票組合,覺得組合應該維持在10隻或以下左右,太多的股票組合(+15以上),不利管理,而且要整體回報上升就等於需要選中很多隻跑出的股,難度很高,當然可說是分散風險,但這樣不如直接投資2800一類的基金來得簡單。

自問選股能力不是強項,所以選股比較保守。而個人進攻則選擇用牛熊和期權衍生工具。

現時組合包括(組合比重按順序由高到低)

345 維他奶    :管理層多年作風實幹,不玩弄財技,中國業務是未來增長亮點,去年新廠投產後,產能倍增,銷售應相應增長不少。

939 建行  : 複雜的銀行股利計算就唔識啦,賣點就係內銀在今年已開始的放水政策中,應能受惠。

1688 阿里巴巴: 此股是4月頭買入,主要是等私有化成功賺差價,大盜馬雲想偷o既野,又點會失敗,此股日日都有員工行駛購股權,購股權產生的新股,一定係讚成私有化。加上一定有自己人的人頭數,私有化失敗機會係零。

536 貿易通: 業務籠斷,香港政府有份,派息高,防守一流。

308 中旅: 基本上係信 王帥廷可以搞好間公司。王帥廷2011年5月從836 轉到308 ,以過去王帥廷管理過的公司成績推斷,應該中旅可以有一番作為。

1137 城電: 都係信王維基,睇下打到巨人故事是否可重演。近日已停牌,肴望係宣佈有關獲免費電視牌照的信息。當然搞免費電視係燒銀紙行為,如在獲得牌照後股價飛天,就先取利觀望佢發展過程,再入市都未遲。
---------------------------------

由於衍生工具波幅比較大,所以我用一個衍生指數紀錄成績
現時指數為
221.5

現時有 330 LP , 941 cow

2011年6月10日星期五

H股個人股東今年起將被徵收兩成股息稅

"H股個人股東今年起將被徵收兩成股息稅。中國國航( 753)公佈,由於近期中國稅務法律法規變動,國家稅務總局在今年 1月發佈《關於公佈全文失效廢止、部份條款失效廢止的稅收規範性文件目錄的公告》中,廢止了《關於外商投資企業、外國企業和外籍個人取得股票(股權)轉讓收益和股息所得稅收問題的通知》。
該通知原本規定,對持有 H股的外籍個人,從發行該 H股的內地企業所收取的股息,暫免徵收個人所得稅。現時該通知被廢止,因此在派發 2010年度末期息時,持有該公司 H股的個人股東,已不能免予扣除個人所得稅,須繳納 20%個人所得稅,並由公司代扣代繳;不過,若股東可提供相應資料供稅務機關進行確認,便可根據稅收協定等相關規定享受優惠待遇,但公告並無闡述具體條件。預計新規定將適用於其他 H股。
08年內地實施新稅法,針對並非以個人名義持有 H股的股東,會被扣起 10%稅率。今次連個人名義持股也須徵稅,而且稅率更高出 1倍。" 
 
呢個消息對我呢D好息之徒都幾大影響, 之前都諗過把H股提出黎, 但現在唔駛考慮了.
今次大陸真係食人唔駛本
 
 

一週回顧

這星期大市繼續跌不停, 已接近傳媒成日講O既250天牛熊線.
次次到呢條線, 氣氛都會講好緊張, 驚變熊市.

此情境似曾相識, 跟去年5月大跌市好似, 個時又好似跌到世界末日咁.
到10月大升又好似咩事都無.
歷史不斷重複...相信今次都唔例外

本星期操作

平倉 939 7月7.25 SP  X 5 @ 0.66    - 800
沽出 12 8月50 SP X 1 @ 2.04
買入 939 6月 7.25 LC X 30 @ 0.02

買入939 X 4000 @ 6.85

今次5,6月跌市,因倉內沒有熱門的中資民企, 股票組合變動不大, 算是幸運.
現時最抵買的一定是內銀.
內銀的壞消息都是很空泛,如地方債風險,  美銀要沾貨等, 沒實質數據支持,全部都係靠估
現在跌下來到6月中除淨還有息收,真是增持良機.

內銀股唔駛買好多隻數, 我見一D人個倉 3328+1398+939+3968+3988
你估集郵咩. 基本上內銀同步率十分高, 買多幾隻根本分散唔到風險, 但管理成本就多左(手續費,寄倉股息費)
直接集中買一隻就夠. 而我選擇939, 因為夠大, 息差最高, 其他都係次要.

睇番939幅8年圖, 咁多年除08年外, 都是年中/尾開始升, 10~12月到頂,然後回落並橫行整個上半年.所以今次如果跌到6.5(未除息) 要再加碼
初步係如果年尾升到8蚊以上, 就放一半, 再等下一次的週期.



聯亞集團00458.HK14%
建福集團00464.HK7%
新華文軒00811.HK13%
建設銀行00939.HK18%
宏利金融00945.HK6%
中國動向03818.HK21%
大快活集團00052.HK5%
立信工業00641.HK4%
南車時代電氣03898.HK4%
中國民航信息網絡00696.HK4%
CASH4%

2011年6月6日星期一

一周總結

恆指星期五再大插304點,成交也增加至794億。美股星期五晚也跌到一仆一碌。
累計全周,恆指累跌168點,收報22949點,日均成交增至714億元,形勢看來一點也不妙。
星期四觸及止損位,平了939 6月7.25  LC X 10 @ 0.07 .
等我總結一下近期的消息:


1.  5月24日,高盛在内的多家投行调低了对中国今年经济增速的预期。高盛将中国今年GDP增速预估自10%调降至9.4%,而瑞士信贷调得更低,从9.1%下调到8.8%。


2.  6月1日,美國就業與ISM制造業指數惡劣,加之上日房價與消費者信心指數下跌,使投資者對美國經濟增長前景變得悲觀。


3. 6月3日,美國勞工部今天公佈報告稱,5月份美國非農就業人數增加5.4萬人,不及經濟學家此前預期,創下自去年9月份以來的最低水平;與此同時,5月份失業率上升至9.1%,主要由於受到能源價格上漲和日本大地震的影響。


近來股市消息已全面睇淡,看來現在才做開始大手也做淡很危險,做好則像是螳臂擋車。
由於上星期五之後是3天假期,時間值流失對SHORT PUT 有利,所以才想暫不斬倉內的SHORT PUT,想下星期再看情況.
如下星期 13,939再下跌,也需要止損,保留實力。以待他日反擊。
而股票倉由所組合已是防守為主,所以可以靜觀其變。
此時的市況,正好是訓練心理質素的好時機。

2011年6月1日星期三

6月1日

5月31日操作總結:

平5仔 6月 82.5 LC X 6 @ 1.01 , + 23%, +$456
平939 6月7.25 LC X 10 @ 0.15 , +114%,+$800
買13 6月92.5 LC X 1 @ 1.32 .

6月1 日操作

平939 6月7.25 LC X 10 @ 0.15 , +114%,+$800
沽13 6月90 SP X 1 @ 2.36
買13 6月92.5 LC X 1 @ 1.25


現時倉位
939 6月 7.25 LC X 10 @0.07
939 7月7.25 SP X 5 @0.5
13 6月 92.5 LC X 2 @ 1.29
13 6月 90 SP X 1 @ 2.36

後市:
5仔沒回到80蚊邊, 吸唔番LC, 另外如939 回番到7.15, 會再吸LC.
和黃這2天大成交, 估計回調後再衝上機會很大.
由於SP了939 和 13 , 所以也需要定下緊急走佬措施, 就是939 跌穿$7 和 13跌穿87蚊平倉.

個股方面, 696 今日醒神曬,不過成交唔夠大, 美中不足.
近排零售股炒起, 有內地零售實業的458 都靜雞雞多左成交慢慢上緊.

52大快活就有d唔爭氣, 之前341大家樂話有機會因最低工資出盈警, 52連日回購, 但52 同341 就一齊跌, 現在回升時52 又慢過341. 不過等大快活係黎緊o既末期業績比d好野出黎, 到時市場就知佢係寶啦.

2011年5月30日星期一

5月30日

今早熊仔保護衣被斬, 由於保護衣被斬, 期權倉不再加注.
本想做SP7月 恆基, 因為四叔係咁增持, 估計8月中期出業績會有野搞作.
不過信心未夠大, 再觀望.
HSI成份股會於6月7日開始變動生效, 除左恆安/AIA 加入外, HSBC 比重也會增加到上限15%
估計在星期五,指數基金會被動式買入, 所以今次LC HSBC, 結果如何, 到星期五再看看.

5月27日操作+紅股除凈日的投機機會

星期五早上開市見大象開始反彈,用0.82排入 6 張 6 月 5仔 82.5 LC,唔夠半個鐘就成左。
另外昨天買入的保護衣64339恆指熊仔,以為中午會到23200被斬,點知最高位差50點又死唔去。
保護衣作用係減少睇錯市傷害,唔係用來賺錢,所以斬左都唔會可惜。
現時洐生工具倉有
                                       入價   市價  賺蝕 
939 7月7.25 SP   5張 ,   0.50 ,  0.40, +500
939 6月7.25 LC  30張 , 0.07,   0.09, +600
5     6月82.5 LC  6張 ,   0.82 ,  0.94, +288
64339 hsi 熊 20000 股,  0.042, 0.021, -420
股票倉組合不變

之前提過,係紅股除凈日留意到d野,請先睇下543,696幅圖


696同543係紅股除淨日當天早上開市前時段,都成交係一個比較高價格,以696爲例,二送一紅股+0.15rmb 息,
除凈前收市價係~7.2 除凈後大約係4.87。而AO成交價是5.5!當天也沒什麼特別消息, 所以故事應該是這樣:

有一些水魚平日開市後唔得閒, 只可以在非交易時段設下買賣盤, 佢地又唔記得當日紅股除凈,以為設一個好低的競價限價盤就可以入到好價錢,例如SET 5.0~6.0 (以為原價7.2)
另一批投機者知道有一班咁O既水魚, 當然唔放過, 佢地好有技巧設價 ,不會設太高如$7,因為驚太高成交唔到, 所以設為大約係5.5. 而且風險只是成交唔到, 出現大升機會很低.
結果當天U盤就成交左係5.5 ,大約26萬股.
而開市之後,其他正常人買賣當然是排係4.87左右, 所以一開市就出現一支大陰.
當天收市696 收4.66, 一日唔見左差唔多1蚊.

你會問有無人咁蠢呀, 再蠢D  O既人都有, 又睇下友佳3年圖


2009年11月有枝 特長陰燭, 當天市價是1.73,而有成交價竟然6蚊以上?!
係咪有咩大事發生呢? 翻查之後,其實係一D 特別消息都無..... 咁咩事呢,
估計是有人想買1398工行, 但按錯制, 變左2398友佳, 我相信佢知道買錯後,
真係想死, 不過佢HOLD 到現在都係有賺, 哈哈.

呢個例子說明市場有真係有一班人得閒就出黎送錢比人,咁係咪次次送紅股都係咁?
當然唔係, 成交細O既股先容易出現696 情況, 因為容易錯價.
下次如果你個股有送紅股, 可以試下, 可能分分鐘有意外驚喜

2011年5月26日星期四

香港第一個女特首?!

現時下屆特首熱門人選有3位:范太,唐唐,英哥
本來唐唐係大熱人選,佢以為自己穩坐釣魚船
但我覺得范太機會最大,因為佢夠薑講廿三條,話係下屆特區政府一定要處理的問題。
先唔講范太係咪可以搞得廿三條成功,但起碼明示比北大人聽,比佢做特首就敢去馬搞。
就係呢點,都夠分啦。
你睇下唐唐同英哥連提下都唔敢,就睇得出佢地o既分野係邊。

超大現代爆"袋"

超大現代〔00682.HK〕受不利報道打擊,股價裂口低開,急挫20.9%至3.67港元,曾見52周新低3.48港元,在跌幅股中排名第一;盤中成交達8697萬股。香港媒體《壹周刊》報道,超大上市11年多次配股籌逾百倍,用作購買農地及添置機器,指其擁有71 萬畝農田面積有「報大數」之嫌,使用工具仍非常殘舊。

今日超大被肥老黎爆袋, 爆走左五分一市值.
如散戶持有超大, 真係幾傷.

超大見唔對路, 例牌出公告中澄清,並且今天中午立即出份回購公告,收市後又出公告說共回購了2.2百萬股,但比起今天成交量1.62億股算係濕濕碎。

雖然唔排除壹週報道都有誇大成份,以滿足讀者胃口。但安全至上,佢又成日換核師,持有的散戶應忍痛沽清佢分手啦
其實主席由上市到現在,持股由60%減到現時只有19%,公司如果係好,就唔駛係咁減持啦
就算他日真係爆煲,主席上市時到現在已經執唔少,都無咩捐失。捐失都係基金佬同散戶。

5月26日操作

升市無力, 買入(20000 股64339 hsi 熊 at 0.042, 回收價23200)作保險

另外,今日696 除淨並2送1紅股,8月先收到股息和紅股。
關於送紅股,近來比我發現到一樣野。下次再講講

5月25日操作

看好後市,好大機會到底,值搏率高
SP 5張939 7月7.25  at 0.5
LC 28張 939 6月7.25 at 0.07

選股修練組合名單

以下是現時組合. 以後再談理由.


名稱             代號              入市價 組合百分比
聯亞集團     00458.HK    3.173        14%
建福集團 00464.HK 0.81          7%
新華文軒 00811.HK 4.03         14%
建設銀行 00939.HK 6.294 16%
宏利金融 00945.HK 124          6%
中國動向 03818.HK 3.35         20%
大快活集團 00052.HK 10.92 5%
立信工業 00641.HK 5.01         5%
南車時代 03898.HK 27.9         4%
中民航信息 00696.HK 7.8           5%
CASH                                               4%

2011年5月25日星期三

練功房開張大吉!!!

自從金融海潚後,投資界出現各門各派,以我所見,主流有2,一是價值投資派(被稱為死牛),二是價值投機派(被稱為投機賭徒)。


價值投資派心法:
1-長線持有認為優質的股票(大多是現時公認的點穴股),愈跌愈買,出入市場較少,不理會短期價格升跌
2-重視股息率,以息養戰
3-偏重FA研究,較少留意TA
4-FA有異才止損

價值投機派心法:
1-以每年的動力股為基礎(每年都會出現的熱門2、3線股),認為股價點穴即為廢股,以TA為主,FA為副,追漲殺跌,出入較多
2-重視盈利增長率,
3-TA有異就上損

如果要問邊個先係投資門派終極一哥,即係問練九陰真經勁d定係九陽真經勁d?
其實每個門派都有高手,最重要是功力的高低,
價值投資高手也有巴菲特,林奇,價值投機也有利佛麼,索羅斯.
你又係咩派?